死刑应唔应该存在呢个问题，一直成为赞成同反对呢两派嘅爭论，前者认为：「上天有好生之德，死刑要不得。」后者则指：「罪大恶极，不杀不足以平民怨。」唔知假仁慈抑係真博爱，支持禁止死刑嘅人数，往往佔咗上风。因此，从政者参选时，不知真心或假意，被问到呢个问题时，大多坚定不移：「唔好杀生。」不过，佢哋当选后，往往唔记得曾经表过乜態度。好似总统拜登就係。据悉，拜生曾经答应万一当选后，一定停止死刑。但佢执政百日后，冇提过或行动过废除死刑。於是，令到反对死刑者越来越不满，觉得俾拜老登呃咗。
总统先生係出尔反尔？年纪大忘记咗？唔知，佢应该向民眾解释清楚。资料显示，目前美国共有包括纽约在內23个州废止死刑，即係仲有27个州存在死刑，稍佔上风，故令到心慈手软者不满。八友觉得，喺暴力与唳气充斥嘅现今美国社会，死刑係不可废的。你睇，闯进校园滥杀国家未来栋樑嘅学生；衝进超市、政府机构、聚会场所，射杀无仇无怨之民眾，呢种人照计应该好似对付拉登咁处置。將佢哋囚而不杀，衹有浪费纳税人金钱，更对晤住死者及死者家人，反对死刑者可以讲係假仁慈，真盗名。
有趣嘅係，有啲死刑犯对废死者並不领情，最近就有一个自知罪孽深重嘅死囚寻求解脱，而且唔想打毒针或坐电椅，要求打靶。有咁啱嘅係，先前有囚犯选择注射死刑，因药物短缺无法执行。但死囚唔使怕，如今新增咗「被行刑队枪决」之选项。
八友有则异议，因为枪决浪费子弹，而且万一坏心肠嘅枪手收唔到「茶钱」，手震打歪咗，死囚岂非痛到叫救命。
所以，打毒液或上电椅乃死刑犯最佳选择。
